Սկիզբ » ՏՏ Նորություններ

ՏՏ Նորություններ


Այստեղ հավաքագրվում են տեղեկատվական տեխնոլոգիաների և համակարգիչների ոլորտին վերաբերվող խոշորագույն լրատվամիջոցների կողմից գրված հոդվածները: Ձեզ հետաքրքրող նյութը ամբողջությամբ կարդալու համար անցեք համապատասխան հղումով:

Հանրային Ռադիո Hi Tech fm 107.7

itel.am (am)

Ucom-ն առաջին անգամ Հայաստանում ներդրեց Ericsson-ի նորագույն 4G+ տեխնոլոգիան

<p><strong>Երեկ երեկոյան օլիմպիական մեդալակիրների մեծարման հատուկ միջոցառման ժամանակ օլիմպիական չեմպիոն՝ ըմբիշ Արթուր Ալեքսանյանն ազդարարեց այս տարվա ամենասպասված՝ 4G+ ցանցի մեկնարկը Ucom ընկերության կողմից: </strong><br /><br />Ericsson ընկերության՝ ամենավերջին Ericsson Radio System ապրանքային դասի եւ Antenna Integrated Radio (AIR)՝ իր տեսակի մեջ լավագույն համակարգերին դասվող գերժամանակակից բազմաչափանիշ ռադիո սարքավորումները վերջապես ներդրվեցին Երեւանում: <br /><br />Ucom ընկերության 4G+ կամ ժամանակակից LTE ցանցը նախատեսված է Հայաստանում տվյալների փոխանցման տրաֆիկի նկատմամբ օրեցօր աճող պահանջարկը բավարարելու, է՛լ ավելի լավ որակ ու մեծ արագություններ ապահովելու եւ օգտագործման առավել լայն հնարավորություններ առաջարկելու համար: Այս նորագույն տեխնոլոգիայի ներդրման ծրագրի շրջանակներում նաեւ նախատեսվում է ներդնել Ericsson Expert Analytics ծրագրային լրակազմը, որը Ucom-ին հնարավորություն կընձեռի բարելավել բաժանորդային փորձառությունը, իրականացնել բաժանորդների գոհունակության վերաբերյալ կանխատեսումներ եւ անմիջապես ձեռնարկել գոհունակության մակարդակի բարելավմանն ուղղված քայլեր: <br /><br />Այս համապարփակ ծրագրային լրակազմի միջոցով Ucom-ը կարող է իրական ժամանակում ստանալ վերլուծական տվյալներ, որոնք կարող են կիրառվել բաժանորդների փոփոխվող պահանջները բավարարելու եւ վերջիններիս գոհունակությունը խթանելու համար: Այս լուծումների շնորհիվ Ucom-ի 4G+ ցանցը ոչ միայն կլինի ամենաարագ գործող ցանցերից մեկն Անդրկովկասում, այլ նաեւ կբավարարի վերջնական օգտագործողների աճող ակնկալիքները:<br />Ucom-ի կողմից ներդրված այս առաջատար տեխնոլոգիան գործում է նաեւ հեռահաղորդակցության այնպիսի զարգացած շուկա ունեցող երկրներում, ինչպիսիք են Հյուսիսային Ամերիկան, Կորեան, Ճապոնիան, Չինաստանի որոշ շրջանները եւ, իհարկե, եվրոպական մի շարք երկրները:<br /><br />«Հպարտ ենք ազդարարել այս մեծապես նորարարական տեխնոլոգիայի մեկնարկը Հայաստանում, որը մեր բաժանորդներին հնարավորություն կտա օգտվել մինչեւ 250 Մբ/վ արագությամբ լայնաշերտ ինտերնետ կապից, ինչպես անում են աշխարհի ամենաառաջատար հեռահաղորդակցության շուկաների սպառողները: Հաշվի առնելով մեր բաժանորդների օրեցօր աճող ակնկալիքները՝ այժմ մենք ուրախ ենք, որ կարող ենք նրանց առաջարկել է՛լ ավելի լավ փորձառություն եւ համաքայլ ընթանալ աշխարհի առաջատար ընկերությունների հետ», - նշեց Ucom  ընկերության գլխավոր տնօրեն՝ Հայկ Եսայանը:<br /><br />Ծրագիրը հնարավոր եղավ իրականացնել Ericsson Nikola Tesla ընկերության աջակցությամբ:<br /><br />«Հպարտ ենք, որ Ucom ընկերության հետ միասին Հայաստան ենք բերում գերժամանակակից LTE տեխնոլոգիան, որը նախկինում դեռ ներդրված չի եղել տեղական շուկայում: Այս տեխնոլոգիայի ներդրմամբ Ericsson եւ Ucom ընկերությունները կընդլայնեն շարժական լայնաշերտ ինտերնետ կապի ծածկույթը Հայաստանում եւ արագ ու հուսալի ինտերնետ կապի ծառայություններ կմատուցեն ավելի մեծ թվով բաժանորդների: Սա կարեւոր քայլ էր մեզ համար Հայաստանում, եւ մենք ուրախ կլինենք շարունակել աջակցել հայկական շարժական կապի շուկայի հետագա զարգացմանը», - նշեց Ericsson Nikola Tesla ընկերության նախագահ՝ Գորդանա Կովաչեւիչը:   <br /><br />Լինելով LTE ցանցի համաշխարհային առաջատարը՝ Ericsson ընկերությունը Ucom-ի բաժանորդներին առաջարկում է 4G+ ցանցի միջոցով մատուցվող ամենաբարձր որակի ծառայություններից օգտվելու հնարավորություն: Այսպիսի հնարավորություն Ericsson-ն ընձեռում է շնորհիվ իր փորձագիտական մեծ թիմի եւ միջազգային լայն փորձի (ավելի քան 200 LTE RAN ծառայությունների մատուցման պայմանագրեր շուրջ 100 երկրներում, գործող ավելի քան 500,000 բազային ռադիոկայաններ): Ericsson-ը ներկա է տրաֆիկի բարձր սպառում ունեցող բոլոր երկրներում, այդ թվում՝ ԱՄՆ-ում, Ճապոնիայում եւ Հարավային Կորեայում, եւ LTE տեխնոլոգիաներ է մատակարարում աշխարհի տասը խոշորագույն բջջային օպերատորներից իննին (CMCC, Verizon, AT&T, CT China, Softbank, Sprint, T-Mobile, KDDI, SKT):  </p>

ՎիվաՍել-ՄՏՍ-ի աջակցությամբ Ամրակիցն ապահովվել է արտաքին լուսավորությամբ

<p><strong>Վայրի բնության եւ մշակութային արժեքների պահպանման հիմնադրամը (FPWC) եւ ՎիվաՍել-ՄՏՍ-ն ամփոփել են «Այլընտրանքային էներգիա» նախագծի շրջանակում համատեղ իրականացրած հերթական ծրագրի արդյունքները: </strong><br /><br />Լոռու մարզի Ամրակից գյուղում տեղակայվել է 54 լուսատուով արտաքին լուսավորության լուսադիոդային (LED) համակարգ: Ծրագրի արդյունքում լուսավորվել են համայնքի հիմնական երկու փողոցները՝ մոտ 1 900մ ընդանուր երկարությամբ: <br /><br />Լուսատուները համայնքի փողոցները կլուսավորեն ամռանը 20:00-ից մինչեւ 00:00, իսկ ձմռանը՝ 18:00-ից մինչեւ 23:00: <br /><br />Ի տարբերություն էլեկտրական լամպերի, LED լամպերն առավել արդյունավետ ու դիմացկուն են, կարող են անհամեմատ ավելի երկար ծառայել՝ օգտագործելով 80%-ով պակաս էլեկտրաէներգիա:<br /><br />«Աշխարհի առաջադեմ երկրների օրակարգում առաջնային տեղ է զբաղեցնում շրջակա միջավայրի պահպանությանն ուղղված լուծումների մշակումն ու կիրառումը: Բնության հանդեպ հոգատար վերաբերմունքը եւ սպառողական ապրելակերպի մերժումը մարդու, ազգի, երկրի ինքնագիտակցության մակարդակի լավագույն ցուցիչներն են: Ֆինանսական խնայողության հնարավորություն ընձեռելուց բացի, այլընտրանքային էներգիայի աղբյուրների օգտագործումը կարեւոր քայլ է դեպի ավելի պատասխանատու եւ բարեկիրթ ապրելակերպ»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:<br /><br />«Այլընտրանքային էներգիա» ծրագրի նպատակը այլընտրանքային էներգիայի աղբյուրների՝ արեգակնային ջեռուցման եւ փողոցների լուսավորություն LED համակարգերի կիրառմամբ, շրջակա միջավայրի աղտոտումը կանխարգելելն է: Այս տարի ծրագիրն իրականացվում է Տավուշի, Գեղարքունիքի, Վայոց Ձորի եւ Լոռու մարզերի մի շարք համայնքներում: Քանի որ Հայաստանն ունի արեւային էներգիայի մեծ պաշար՝ այլընտրանքային էներգիայի եւ էներգախնայող տեխնոլոգիաների ներդրումը կարող է բարձրացնել տվյալ համայնքների տնտեսությունների էներգետիկ արդյունավետությունը եւ նպաստել բնապահպանական ու սոցիալական խնդիրների լուծմանը: </p>

Մեկնարկել է Tech for Autism ծրագիրը

<p><strong>Այսօր մեկնարկել է «Թեքնոլոջի ընդ Սայնս Դայնամիքս» ընկերության եւ «Նյու Թեքնոլոջի Էդուքեյշն Ֆոնդ» բարեգործական հիմնադրամի կազմակերպած եւ «Աուտիզմ ազգային հիմնադրամի» հետ համատեղ իրականացվող «Տեխնոլոգիաներն առանց սահմանների» (Tech for Autism) ծրագիրը:</strong><br /><br />Ծրագրի նպատակն է Հայաստանում աուտիզմ համախտանիշ ունեցող անձանց համար առաջին անգամ կազմակերպել ՏՀՏ դասընթացներ, ապահովել նրանց մրցունակությունը աշխատաշուկայում եւ հետագայում աջակցել նրանց աշխատանքի տեղավորման գործընթացին, մասնավորապես Հայաստանում գործող ՏՀՏ ոլորտի կազմակերպություններում։ <br /><br />«Հաշվի առնելով ՀՀ առաջին Տիկնոջ՝ Ռիտա Սարգսյանի մշտական եւ շարունակական ուշադրությունը սահմանափակ կարողություններով տեր անձանց, մասնավորապես նրա ներդրումը «Աուտիզմ ազգային հիմնադրամի» ստեղծման եւ զարգացման գործում` պատահականական չէ, որ այս ծրագրի մեկնարկից առաջ դիմեցինք ստանալու նրա համագործակցությունը եւ հավանությունը։ Շնորհակալություն ենք հայտնում տիկին Սարգսյանին մեր խնդրանքը չմերժելու եւ համագործակցությանը օժանդակելու համար։ Համոզված ենք, որ այս ծրագիրը կնպաստի աուտիզմ համախտանիշ ունեցող երիտասարդների աշխատանքի տեղավորման գործընթացին, մասնավորապես Հայաստանում գործող ՏՀՏ ոլորտի կազմակերպություններում»,- նշել է «Թեքնոլոջի ընդ Սայնս Դայնամիքս» ընկերության հիմնադիր տնօրեն Վահան Շաքարյանը:  <br /><br />Ծրագիրը նախատեսվում է իրականցնել երեք փուլով։ Առաջին փուլի ընթացքում տեղի կունենա մասնակիցների ընտրություն եւ համապատասխան խմբերում նրանց ներկայացնում: Դրան կհաջորդեն  դասընթացները, որոնց ընթացքում ՏՀՏ ոլորտի մասնագետները, խորհրդակցելով հատուկ մանկավարժների եւ հոգեբանների հետ, կաշխատեն երիտասարդների հետ։ Ծրագրի երրորդ փուլի ընթացքում կկատարվի մասնակիցների ներկայացում աշխատաշուկային։ </p>

Beeline-ի աջակցությամբ անցկացվում է «Թվապատում 2016»-ը

<p><strong>Այսօր մեկնարկել է «Թվապատում 2016» միջոցառումների շարքը, որը բաղկացած է թվային միջավայրում ստեղծվող լրագրողական պատմություններին նվիրված կոնֆերանսից եւ մրցույթից:</strong><br /><br />Միջոցառման կազմակերպիչն է Մեդիա նախաձեռնությունների կենտրոնը, աջակիցներն են՝ ԱՄՆ Միջազգային զարգացման գործակալությունը եւ Եվրոպայում անվտանգության եւ համագործակցության կազմակերպության երեւանյան գրասենյակը, իսկ գլխավոր հովանավորն է Հայաստանում Beeline-ը։ <br /><br />Արդեն երկրորդ տարին անցկացվող «Թվապատում» կոնֆերանսը հնարավորություն է ընձեռում լրագրողներին ու մեդիադաշտի մյուս մասնագետներին հանդիպել եւ խոսել լրագրողական բովանդակության ստեղծման ժամանակակից փորձի, նոր ձեւաչափերի ու գործիքների, միջազգային ու տեղական դաշտի միտումների ու ձեռքբերումների մասին:<br /><br />Երկօրյա կոնֆերանսին կհաջորդի «Թվապատում 2016. պատմություններ փոփոխությունների մասին» լրագրողական մրցույթի մրցանակաբաշխության արարողությունը:</p>

Երեւանում կայացել է «Մայքրոսոֆթը բիզնեսի համար» կոնֆերանսը

<p><strong>Այսօր Երեւանում կայացել է «Մայքրոսոֆթը բիզնեսի համար» (Microsoft for Business: Productivity, Innovation, Security) կոնֆերանսը, որի շրջանակում գործարար աշխարհի ավելի քան 120 ներկայացուցիչ քննարկել է բիզնեսի ժամանակակից միտումները ամպային տեխնոլոգիաների դարում:</strong><br /><br />««Արդյունավետություն, նորարարություն եւ անվտանգություն» խորագրով կոնֆերանսին մասնակցող ընկերությունների տնօրենները, ՏՏ եւ մարդկային ռեսուրսների ղեկավարները ծանոթացել են բիզնեսի տեխնոլոգիական վերազինման նորագույն մոտեցումներին եւ իրենց հուզող հարցերի պատասխանները ստացել են Հայաստան ժամանած «Մայքրոսոֆթ» եւ «Սոֆթլայն» ընկերությունների առաջատար մասնագետներից»,- ասված ընկերության տարածած հաղորդագրությունում: <br /><br />Համաժողովի շրջանակում քննարկվել են նաեւ այն գործիքներն ու ծրագրային լուծումները, որոնք բարձրացնում են աշխատանքի արդյունավետությունն ու անվտանգությունը:</p>

Localz-ը կմասնակցի ՏՏ Համաշխարհային կոնգրեսին

<p><strong><a href="http://www.itel.am/am/news/7907" target="_blank">Localz</a> ընկերությունը հաղթող է ճանաչվել 2016 WITSA Emerging Digital Solutions Award մրցանակաբաշխությունում եւ կմասնակցի հոկտեմբերի 3-5-ը Բրազիլիայում կայանալիք ՏՏ համաշխարհային կոնգրեսին (World Congress on IT):</strong><br /><br />«Աշխարհի հարյուրավոր մասնակից ընկերություններից հաղթող է ճանաչվել միայն 7 ընկերություն, եւ մեզ համար մեծ պատիվ է լինել աշխարհի լավագույն 7 ընկերությունների շարքում»,- նշել է ընկերության համահիմնադիր եւ տնօրեն Արտավազդ Սոխիկյանը։<br /><br />Localz-ը թույլ է տալիս զբոսաշրջիկներին ընտրել համակարգում առկա տուրերից որեւէ մեկը, կատարել փոփոխություններ եւ գնային առաջարկներ ստանալ լավագույն զբոսավարներից՝ առավելագույնը 30 րոպեի ընթացքում։<br /><br />Կոնգրեսը հնարավորություն է տալիս ավելի քան 80 երկիր ներկայացնող ՏՏ մասնագետների մասնակցել եւ քննարկել ոլորտի առկա խնդիրները։ 2019թ. կոնգրեսն առաջին անգամ անցկացվելու է Հայաստանում։</p>

Yahoo-ից գողացել են 500 մլն օգտատիրոջ տվյալներ

<p><strong>Yahoo-ն հաստատել է տեղեկություններն այն մասին, որ ենթարկվել է մասսայական հաքերային հարձակման, որի հետեւանքով տեղի է ունեցել ավելի քան 500 մլն օգտատերերի տվյալների արտահոսք:</strong><br /><br />Yahoo-ն <a href="https://yahoo.tumblr.com/post/150781911849/an-important-message-about-yahoo-user-security" target="_blank">պնդում է</a>, որ հաքերները գործել են պետություններից մեկի աջակցությամբ: <br /><br />«Մեր ընկերության վերջին հետազոտությունը հաստատել է, որ օգտատերերի հաշիվներից որոշակի տեղեկատվություն գողացվել է ընկերության ցանցից 2014թ. վերջին, այն անձանց կողմից, որոնց Yahoo-ն համարում է պետության կողմից աջակցություն ստացողներ: Մենք աշխատում ենք իրավապահների հետ այս հարցի շուրջ»,- նշել են ընկերությունում: <br /><br />Գողացված տվյալները ներառում են անձնական տեղեկատվություն՝ ներառյալ օգտատերերի անունները, նրանց էլեկտրոնային նամակագրությունը, ծննդյան օրը, հեռախոսի համարները եւ գաղնաբառերը, ինչպես նաեւ չգաղտնագրված գաղտնի հարցերը եւ դրանց պատասխանները, որոնք օգտագործվել են լրացուցիչ նույնականացման համար: <br /><br />Recode պարբերականը <a href="http://www.recode.net/2016/9/22/13024884/yahoo-data-breach-privacy-security-hacking-online-safety" target="_blank">խորհուրդ է տալիս</a> Yahoo-ից օգտվողներին կատարել հետեւյալ քայլերը՝<br /><br />-Փոխեք ձեր բոլոր գաղնաբառերը, <br />-Վերընթերցեք հին նամակները եւ ջնջեք «զգայուն բովանդակությունը», <br />-Սկսեք Gmail օգտագործել կամ գաղտնագրում օգտագործեք,<br />-Միացրեք կրկնակի նույնականացման գործառույթը եւ թարմացրեք ձեր կողմից օգտագործվող հավելվածները,<br />-Մի բացեք կասկածելի էլնամակներ:<br /><br />Հիշեցնենք, որ հուլիսին ինտերնետ ծառայություններ մատակարարող ամերիկյան Verizon Communications-ը <a href="http://www.itel.am/am/news/8282" target="_blank">գնել էր</a> Yahoo-ն $4.8 մլրդ-ով: Այդպիսով Yahoo-ն ինտրեգրվել է AOL մեդիա կորպորացիային, որը Verizon-ն անցած տարի գնել էր $4.4 մլրդով: </p>

PicsArt-ը ներկայացրել է նոր հավելված եւ կատարելագործված գործառույթներ

<p><strong>PicsArt-ը հայտարարել է, որ արդեն ունի ավելի քան 80 մլն ակտիվ օգտագործող եւ այդ առիթով ներկայացրել է հավելվածի թարմացված iOS <a href="https://itunes.apple.com/us/app/picsart-photo-studio-all-in/id587366035?mt=8" target="_blank">տարբերակը</a>:</strong> <br /><br />«Մենք բարելավել ենք նկարների խմբագրման փորձը PicsArt-ում՝ վերագործարկված Remix Me գործառույթի օգնությամբ, որն օգնում է գտնել եւ տարածել ձեր ստեղծագործական ներշնչանքը զվարճալի ձեւով: Ձեր ընկերներին զարմացնելու նպատակով էլ ավելացրել ենք Magic Effects-ներ, որոնք արհեստական բանականությամբ են օժտված եւ ձեր լուսանկարները վերածում են արվեստի գործերի»,- նշված է PicsArt-ի <a href="https://picsart.com/blog/post/picsart-just-got-more-awesome/" target="_blank">պաշտոնական բլոգում</a>:   <br /><br />Magic Effects-ը վերլուծում է լուսանկարները եւ դրանք վերանկարում նոր արտիստիկ ոճով՝ վայրկյանների ընթացքում: Ի տարբերություն այլ՝ արհեստական բնականությամբ օժտված ֆոտո էֆեկտների, Magic Effects-ը կարող է օգտագործել PicsArt-ի 3000-ից ավելի խմբագրման տարբերակները: Գործառույթն աշխատում է նաեւ առանց ինտերնետ կապի:<br /><br />PicsArt-ը գործարկել է նաեւ <a href="https://itunes.apple.com/app/id1155605927" target="_blank">Magic Video</a> հավելվածը, որը թույլ է տալիս ցանկացած սովորական տեսանյութ խմբագրել ֆիլտրերի օգնությամբ: <br /><br />«Սա իր տեսակի մեջ առաջին հավելվածն է, որը հավաքում է արհեստական բանականությամբ օժտված վիդեո էֆեկտներ հեռախոսում, եւ մենք հավատում ենք, որ PicsArt-ի նոր տարբերակով ներկայացնում ենք կրեատիվության նոր մակարդակը, որը ձեզ հասանելի չէր մինչ այժմ»,- նշել են PicsArt-ում:</p>

 

 

82