Սկիզբ » ՏՏ Նորություններ

ՏՏ Նորություններ


Այստեղ հավաքագրվում են տեղեկատվական տեխնոլոգիաների և համակարգիչների ոլորտին վերաբերվող խոշորագույն լրատվամիջոցների կողմից գրված հոդվածները: Ձեզ հետաքրքրող նյութը ամբողջությամբ կարդալու համար անցեք համապատասխան հղումով:

Հանրային Ռադիո Hi Tech fm 107.7

itel.am (am)

Վարչապետն ընդունել է ԵԱՏՄ երկրների ՏՏ ոլորտի ղեկավարներին

<p><strong>ՀՀ վարչապետ Կարեն Կարապետյանն այսօր Եվրասիական տնտեսական միության անդամ պետությունների ՏՏ ոլորտի ղեկավարների հետ հանդիպման ժամանակ համոզմունք է հայտնել, որ նրանց մասնակցությունը Հայաստանում ընթացող աշխատաժողովին նոր խթան կհաղորդի համագործակցությանը:</strong> <br /><br />«Մենք համատեղ ստեղծել ենք լավ ներուժ ունեցող ակումբ եւ կարեւորում ենք ԵԱՏՄ շրջանակում տեղեկատվական տեխնոլոգիաների ու թվայնացման ոլորտում համաձայնեցված քաղաքականության իրականացումը»,- հայտարարել է Կարեն Կարապետյանը:<br /><br />ԵԱՏՄ պատվիրակությունը Հայաստան է ժամանել ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանի նախաձեռնությամբ կազմակերպված աշխատաժողովին մասնակցելու նպատակով:<br /><br />ԵԱՏՄ անդամ երկրների ՏՏ ոլորտի ղեկավարները ընդգծել են, որ նման աշխատանքային հանդիպումները լավ հարթակ են՝ ոլորտին վերաբերող հարցերը քննարկելու համար: <br /><br />Նրանք նաեւ տեղեկացրել են, որ աշխատաժողովի շրջանակում նախատեսվում է անդրադառնալ թվայնացման եւ ՏՏ բնագավառում փոխգործակցության օրակարգին, ինչպես նաեւ յուրաքանչյուր անդամ երկրում համակարգման մարմնի ստեղծմանը վերաբերող հարցերին: <br /><br /></p>

Վարչապետը հյուրընկալվել է PicsArt-ի գրասենյակում

<p><strong>ՀՀ վարչապետ Կարեն Կարապետյանն այսօր այցելել է հայկական PicsArt ընկերություն, ծանոթացել վերջինիս գործունեությանը, աշխատանքի համար ստեղծված պայմաններին եւ ընդլայնման ծրագրերին:</strong> <br /><br />PicsArt-ի համահիմնադիր Արտավազդ Մեհրաբյանը եւ ընկերության գլխավոր տնօրեն Միքայել Վարդանյանը կառավարության ղեկավարին տեղեկացրել են, որ վերջին 2 տարվա ընթացքում ընկերության աշխատակիցների թիվն աճել է 2.5 անգամ։ <br /><br />Ներկայում PicsArt-ի հայաստանյան գրասենյակն ունի 350-ից ավելի աշխատակից, որոնցից շատերը ՏՏ, ծրագրերի կառավարման ու դիզայնի ոլորտների մասնագետներ են։ Աշխատակիցների միջին տարիքը 25 է։ PicsArt-ը նաեւ 30-ից ավելի աշխատակից ունի Սան Ֆրանցիսկոյի գրասենյակում։ <br /><br />Կարեն Կարապետյանը ողջունել է PicsArt-ում առկա աշխատանքի կրեատիվ միջավայրը, որը նպաստում է ստեղծագործական ներուժի լիարժեք օգտագործմանը: Տեղեկանալով, որ ընկերությունը որակյալ մասնագետներով համալրման <a href="http://www.itel.am/am/news/8875" target="_blank">խնդիր ունի</a>՝ վարչապետը պատրաստակամություն է հայտնել աջակցել եւ հորդորել է ներկայացնել PicsArt-ի հետագա զարգացմանը, համապատասխան կադրերի պատրաստմանը վերաբերող առաջարկություններ: <br /><br /><br /><br /></p>

ՎիվաՍել-ՄՏՍ-ը ծառատունկ է իրականացրել Ուրցաձորում

<p><strong>Վայրի բնության եւ մշակութային արժեքների պահպանման հիմնադրամը (FPWC) եւ գլխավոր գործընկեր ՎիվաՍել-ՄՏՍ-ը ծառատունկ են իրականացրել Ուրցաձորում։</strong> <br /><br />ՎիվաՍել-ՄՏՍ-FPWC համագործակցությամբ վերսկսվել է նաեւ Կովկասյան կենսաբազմազանության ապաստարանի տնկարանային տնտեսության ծրագրի նոր, լայնամասշտաբ փուլը։ <br /><br />Գործընկեր կազմակերպությունների համատեղ ջանքերով իրականացվող մի շարք ծրագրեր միտված են Հայաստանի էկոհամակարգի պահպանմանն ու համայնքային զարգացմանը: <br /><br />«Բնության հետ հարկավոր է համերաշխ ապրել: Եթե այսօր մենք անտարբերության մատնենք խնդիրները, վաղը դրանց հետեւանքները կարող են զգալ մեր երեխաները: Այն, ինչ անում ենք՝ կարեւոր է էկոհամակարգի պահպանման համար: Գործընկեր կազմակերպության հետ, տարիներ շարունակ ձգտում ենք առաջնորդվել պատասխանատու մոտեցմամբ: Դրա հիմքում հետեւյալ տրամաբանությունն է. առողջ միջավայրն ու վաղվա կյանքի որակը մեր ձեռքերում են»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:  <br /><br /></p>

Ucom-ը շարունակում է աջակցել «Արմաթ» լաբորատորիաներին

<p><strong>Իջեւան քաղաքի Մկրտիչ Մարտիրոսյանի անվան թիվ 5 հիմնական դպրոցի «Արմաթ» ինժեներական խմբակ-լաբորատորիայի սաներն օրերս հյուրընկալել էին կրթական նախագծի պատասխանատուներին Ucom ընկերությունից եւ Ինֆորմացիոն տեխնոլոգիաների ձեռնարկությունների միությունից (ԻՏՁՄ): </strong>   <br /><br />Մկրտիչ Մարտիրոսյանի անվան թիվ 5 հիմնական դպրոցի «Արմաթ» լաբորատորիայում ինժեներական եւ ծրագրավորման գիտելիքներ ու հմտություններ ձեռք բերող 26 սաները հիմնականում 6-7-րդ դասարանների աշակերտներ են:<br /><br />«Ուզում եմ ծրագրավորող դառնալ, որպեսզի զարգացնեմ այդ ոլորտը Հայաստանում: Ավելին՝ ցանկանում եմ նաեւ ինժեներ դառնալ ու ինքնուրույն ստեղծել ապագայի սարքերը, որոնցից, օրինակ, կարող է լինել քարածուխ հանող ռոբոտը, որը կհեշտացնի մարդու ծանր ֆիզիկական աշխատանքը»,- նշել է Իջեւան քաղաքի Մկրտիչ Մարտիրոսյանի անվան թիվ 5 հիմնական դպրոցի «Արմաթ» ինժեներական խմբակ-լաբորատորիայի սան Գարիկ Ամիրյանը:   <br /><br />«Մենք կարեւորում ենք մարզերում ապրող երեխաների հետաքրքրվածությունը ժամանակակից տեխնոլոգիաների նկատմամբ: «Արմաթ» լաբորատորիաներում նրանք ձեռք են բերում գործնական հմտություններ ու գիտելիքներ, որոնք վաղը կօգնեն, օրինակ, արհեստական բանականությամբ աշխատող առարկաներ ստեղծել: Այն, ինչ այսօր տեսնում ենք, մեզ գոհացնում է. երեխաների երեւակայությունն անսպառ է եւ ապագան՝ հուսադրող»,- ասել է Ucom ընկերության գլխավոր տնօրեն Հայկ Եսայանը:<br /><br />Այս խմբակի սաները նաեւ մասնակցել են DigiCode մրցույթին՝ ներկայացնելով իրենց ստեղծած «Պյութագորաս» խաղը: <br /><br />Ucom-ի աջակցությամբ բացված այս խմբակ-լաբորատորիաների կարեւորության մասին WCFDavos/Yerevan երկօրյա ֆորումի ընթացքում խոսել է նաեւ ընկերության մարկետինգի եւ հաղորդակցության գծով տնօրեն Տիգրան Սաֆարյանը՝ նշելով, որ «Արմաթ» լաբորատորիաները Ucom-ի ուշադրության կենտրոնում են վերջին 3-4 տարիների ընթացքում:</p>

HUB Silicon Valley-ն մտադիր է կենտրոն բացել Հայաստանում

<p><strong>HUB Silicon Valley գլոբալ <a href="http://hubsv.com/" target="_blank">ցանցը</a>, որի կենտրոնակայանը Պալո Ալտոյում է (Կալիֆոռնիա), առաջիկայում ներկայացուցչություն կունենա նաեւ Հայաստանում:</strong> <br /><br />Այս մասին «Զարգացմանն ուղղված հանրօգուտ ներդրում» գլոբալ գագաթաժողովի շրջանակում Itel.am-ի հետ զրույցում հայտարարել է Hub Silicon Valley-ի հիմնադիր եւ գործադիր տնօրեն Մարիան Քրեյրին: <br /><br />Hub Silicon Valley-ն ներկայություն է ունենալու այն երկրներում, որոնք օժտված են գիտական եւ տեխնոլոգիական ներուժով, տեղական ֆինանսական աջակցությամբ, ինչպես նաև աշխույժ ձեռներեցներով եւ առաջնորդներով: Ցանցի անդամ են Սիլիկոնյան հովտի 300-ից ավելի մենթորներ, փորձագետներ եւ ներդրողներ: <br /><br />2016թ. հունիսից Hub Silicon Valley-ն ներկայություն ունի Վրաստանում: 2017-ին, բացի Հայաստանից, նախատեսվում է կենտրոններ բացել նաեւ Դանիայում (Կոպենհագեն), Հրվ. Աֆրիկայում եւ Շոտլանդիայում: <br /><br />«Մենք քննարկումներ ենք սկսել Հայաստանում ոլորտի ներկայացուցիչների հետ: Դեռ հստակ չէ, թե երբ կբացվի կենտրոնը, սակայն իսկապես ցանկանում ենք, որ դա արագ կատարվի՝ 3-6 ամսվա ընթացքում: Ի դեպ, մենք վիրտուալ կենտրոն ունենք նաեւ Վրաստանում եւ այնտեղ շատ ստարտափների հետ ենք աշխատում: Մտածում ենք նաեւ համատեղ որեւէ բան կազմակերպելու մասին՝ ընդգրկելով Հայաստանը եւ Վրաստանը»,- Itel.am-ին տեղեկացրել է Մարիան Քրեյրին:<br /><br />Հարցին, թե արդյոք կենտրոնը լինելու է վիրտուալ, Մարիան Քրեյրին պատասխանել է, որ այդ հարցում դեռ վերջնական որոշում չկա:  <br /><br />«Սրանք դետալներ են, որոնք դեռ պետք է պարզել: Մենք ծրագրում ենք տարածաշրջան բերել Սիլիկոնյան հովտի փորձը, որպեսզի Սիլիկոնյան հովտի մենթորները, գիտելիքն ու նոր տեխնոլոգիաները հասանելի լինեն հայերին ու վրացիներին»,- ասել է Hub Silicon Valley-ի գործադիր տնօրենը:<br /><br />Խոսելով այն մասին, թե արդյոք պատրաստվում են աջակցել տեղական ստարտափներին՝ Սիլիկոնյան հովիտ այցելելու հարցում, Մարիան Քրեյրին նշել է.  <br /><br />«Այո, որոշ ստարտափների համար Սիլիկոնյան հովիտ մեկնելը օպտիմալ տարբերակ կլինի: Իրականում մենք ծրագրում ենք անդրսահմանային ընկերություններ ստեղծել: Ինչպես գիտեք, ԱՄՆ-ում ներդրումներ ստանալու համար հարկավոր է այնտեղ ֆիզիկական ներկայություն, սակայն, միեւնույն ժամանակ, աշխատանքի մեծ մասը կարելի է անել նաեւ տանը: Այնպես որ, մենք չենք պատրաստվում Հայաստանից «գողանալ» լավագույն ստարտափներին, ընդհակառակը՝ ցանկանում ենք, որ նրանք իրենց հայրենիքում ազդեցություն ունենան»: <br /><br />Hub Silicon Valley-ի գործադիր տնօրենը նաեւ տեղեկացրել է, որ առաջիկայում կհամագործակցեն հայաստանյան ընկերությունների հետ եւ կծանոթանան տեղական ստարտափ էկոհամակարգին: <br /><br /><em><strong>Նարինե Դանեղյան</strong></em></p>

Ամառային տեխնոճամբարը կմիավորի Սփյուռքի եւ ՀՀ դպրոցականներին

<p><strong>Սփյուռքի եւ Հայաստանի դպրոցականները կարող են մասնակցել Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից անցկացվող 8-օրյա ամառային տեխնոլոգիական ճամբարին:</strong><br /><br />Կարող են մասնակցել Սփյուռքում բնակվող 10-17 տարեկան երեխաները, ինչպես նաեւ ՀՀ բոլոր մարզերում գործող «Արմաթ» ինժեներական լաբորատորիաների եւ ռոբոտաշինության խմբակների սաները եւ հայաստանյան ընկերությունների աշխատակիցների երեխաները: <br /><br />Կազմակերպիչների խոսքով՝ համապատասխան ֆինանսական միջոցներ ձեռք բերելու դեպքում ճամբարին կմասնակցեն նաեւ անապահով ընտանիքների երեխաներ: <br /><br />Ճամբարի օրակարգը հագեցած է լինելու մասնագետների կողմից մշակված ռոբոտաշինության, ծրագրավորման դասընթացներով, մրցույթներով, հայրենաճանաչությանն ուղղված միջոցառումներով եւ ժամանցային ծրագրերով:<br /><br />Մասնակիցները կապահովվեն 3-անգամյա սնունդով եւ անհրաժեշտ գույքով կահավորված հարմարավետ սենյակներով: Ճամբարի սկզբում երեխաները բուժզննում կանցնեն եւ մասնագետի ուշադրության կենտրոնում կլինեն ամբողջ ընթացքում:<br /><br />«Ամառային տեխնոլոգիական ճամբարն անցյալ տարի միավորել էր ՀՀ բոլոր մարզերի շուրջ 600 դպրոցականների: Ճամբարը միանշանակ հաջողված էր եւ մենք որոշեցինք այս տարի էլ ավելի ընդլայնել սահմանները եւ համախմբել նաեւ սփյուռքի դպրոցականներին: Այս ճամբարը յուրահատուկ հարթակ է, որտեղ աշխարհի տարբեր ծայրերում գտնվող հայ երիտասարդները կշփվեն, կսովորեն եւ ազատ ժամանակ կանցկացնեն միասին, որը կարող է լավ ընկերության եւ ինչու չէ նաեւ գործընկերության հիմք հանդիսանալ: Ճամբարի նպատակներից է նաեւ դպրոցականների մոտ զարգացնել թիմային ոգու գաղափարը»,- նշել է ԻՏՁՄ գործադիր տնօրեն Կարեն Վարդանյանը: <br /><br />Ամառային տեխնոլոգիական ճամբարի մասնակցության պայմանները հասանելի են <a href="http://www.youblisher.com/p/1773121-%D0%A2%D0%B5%D1%85%D0%BD%D0%BE%D0%BB%D0%BE%D0%B3%D0%B8%D1%87%D0%B5%D1%81%D0%BA%D0%B8%D0%B9-%D0%BB%D0%B0%D0%B3%D0%B5%D1%80%D1%8C-2017/" target="_blank">ռուսերեն</a> եւ <a href="http://www.youblisher.com/p/1763678-Technological-camp-in-Armenia/" target="_blank">անգլերեն</a> լեզուներով:</p>

Այսօր կկայանա AR/VR Club Armenia-ի երկրորդ միջոցառումը

<p><strong>Այսօր ISTC-ի կենտրոնում կկայանա <a href="http://www.itel.am/am/news/8856" target="_blank">AR/VR Club Armenia</a>-ի երկրորդ միջոցառումը՝ լրացված (Augmented Reality) եւ վիրտուալ (Virtual Reality) իրականությամբ հետաքրքրվողների համար:</strong> <br /><br />Միջոցառման կազմակերպիչներն են Arloօpa, Locator ընկերություններն ու Ինովացիոն լուծումների եւ տեխնոլոգիաների կենտրոնը (ISTC):<br /><br />Միջոցառման շրջանակում «mmersive Education Solutions ստարտափի հիմնադիրները կներկայացնեն «VR-ն ընդդեմ գրատախտակի. Կրթության ապագան» ելույթը: Դրան կհաջորդեն 360Impact նախագծի հեղինակներից Հովհաննես Աղաջանյանի («Վիրտուալ իրականությունը որպես  պատմություն պատմելու գործիք») եւ Dreamshots ընկերության հիմնադիր Գաբրիել Միրաքյանի ելույթները: <br /><br />AR/VR Club Armenia-ի նպատակն է ստեղծել համագործակցության հարթակ եւ Հայաստանը դարձնել AR/VR-ի լուծումներ առաջարկող առաջատար երկրներից մեկը։<br /><br />Միջոցառման մասնակիցները կարող են ներկայացնել իրենց նախագծերը կամ գաղափարները, փորձել գտնել հնարավոր համախոհներ՝ համատեղ նախագծեր իրականացնելու համար։ <br /><br />Կազմակերպիչները կոչ են անում հանդիպման մասնակիցներին իրենց հետ բերել AR/VR սարքեր՝ ներկաներին ցուցադրելու համար:<br /><br /></p>

Beeline-ում այսօր «Հաճախորդների օր» է

<p><strong>Beeline-ում այսօր հայտարարված է «Հաճախորդի օր», որի շրջանակում ընկերության ղեկավար անձնակազմը, ինչպես նաեւ տարբեր ստորաբաժանումների աշխատակիցներ (ընդհանուր թվով ավելի քանի հիսուն աշխատակից) ողջ Հայաստանի տարածքում գտնվող վաճառքի եւ սպասարկման գրասենյակներում ամբողջ օրն անմիջապես շփվում եւ աշխատում են հաճախորդների հետ:</strong><br /><br />Մասնավորապես, ընկերության ղեկավար անձնակազմը ներկայացնում է հաճախորդներին Quatro ծառայությունը, որի շրջանակում բաժանորդներին տրամադրվում է օպտիկակական ինտերնետ մինչեւ 100 Մբ/վ արագությամբ, բջջային անսահմանափակ հեռախոսազանգեր ցանցի ներսում, գերարագ բջջային ինտերնետ եւ ժամանակակից հեռուստատեսություն:<br /><br />«Այսօր Beeline–ի աշխատակազմը փորձեց եւս մեկ քայլ ավելի մոտ կանգնել իր բաժանորդներին, աշխատել նրանցից յուրաքանչյուրի հետ անհատապես, լսել նրանց հարցերը եւ լուծում տալ խնդիրներին: «Հաճախորդի օր»-ը Beeline-ում դա մի շատ արդյունավետ եւ օգտակար գործիք է, երբ հաճախորդներին ներկայացնում ենք ընթացիկ ծառայությունները եւ ստանում հետադարձ կապ նրանց առավել հուզող հարցերի առնչությամբ: Հենց այսպիսի միջոցառումների անցկացումն էլ մեզ հնարավորություն է տալիս առաջարկելու էլ ավելի պարզ եւ հարմար ծառայություններ»,- նշել է Հայաստանում Beeline-ի Գլխավոր տնօրեն Անդրեյ Պյատախինը:       <br /><br /><br /></p>

 

 

94