Սկիզբ » Էլ.գրքեր և ընթերցիչներ » Ամազոն Քինդլ Թաչ (Amazon Kindle Touch) – էլեկտրոնային գրքերի ընթերցիչ

Ամազոն Քինդլ Թաչ (Amazon Kindle Touch) – էլեկտրոնային գրքերի ընթերցիչ

Amazon Kindle Touch

Առաջին անգամ որ կարդացի էլէկտրոնային գրքերի ընթերցիչների մասին, մտածեցի, ըհը՞ , մի նոր անիմաստ գաջեթ(սարք) են մտածել, որ անկապ փող աշխատեն, էնա կոմպը (կամ պլանշետը) կա էլի, կարդա ինչքան կտեղավորես:

Այս վերաբերմունքս երկար չտևեց, հենց ձեռքս ընկավ առաջին ընթերցիչը , սիրահարվեցի, հրաշք սարք էր:

Գիտե՞ք հիմնական տարբերությունը որն է, այն է թե ինչպես են համակարգչի LCD-ն ու լավ ընթերցիչի E-ink էկրանները համագործակցում լույսի հետ, եթե համակարգիչը ինքն է ճառագայթում լույսը, ապա ընթերցիչի էկրանը ճիշտ ընդհակառակը, անդրադարձնում է արտաքին լույսը, ու սեփական լույս չունի: Դրա հաշվին արտաքին լուսավորվածության հետ տարբերություն չի լինում, ու հետևաբար աչքը ավելի ուշ է հոգնում, գրեթե նույն բանն է , ինչ ֆիզիկական գիրք կարդաս, որը նույնպես անդրադարձնում է արտաքին լույսը: Սա չի վերաբերվում Քինդլ Ֆայր-ին, որը հեչ էլ գրքի ընթերցիչ չի, այլ մի սովորական պլանշետ, LCD էկրանով:

Մի խոսքով հմիա առել եմ, առածս Ամազոն Քինդլ Թաչ է: Որ ասեմ թե տեխնիկապես ամենակատարյալ սարքն է շուկայում գոյություն ունեցողներից, սուտ կլինի, բայց իր գինը հաստատ արժե:

 

Սկսեմ թերություններից

Ամազոն Քինդլը ունի իր սեփական էլգրքերի ֆորմատը, դա իհարկե կարելի էր բանի տեղ չդնել, եթե քինդլի կողմից մյուս երկու ապահովվող ֆորմատները բանի պիտանի լինեին, մեկը pdf -ն, որը դժվար է կարդացվում նույնիսկ մեծ էկրանի վրա , էլ ինչ ասեմ փոքր էկրանի մասին: Իսկ մյուսը txt: Հա մոռացա ասեմ, քինդլի ֆորմատը կոչվում MOBI:

Ասում են, որ աշխարհում ամենատարածված էլգրքերի ֆորմատը EPUB-ն է, կարելի էր սա էլ ներառել, բայց դե կապիտալիստներ են, չեն անի կյանքում այդպիսի բան: Հա, իսկ որ HTML-ն էլ չկարդաց արդեն շատ ջղայնացա:

Հիմա կայֆ բաները

  • txt ֆորմատում կարդում է հայերեն ու ռուսերեն յունիքոդ տեքստ, առանց հավելյալ շամանությունների:
  • ունի վայֆայ
  • ունի էքսպերիմենտալ բռաուզեռ, դե չես կարող սերֆինգ անել, բայց չեղած տեղը բադրջանն էլ է միրգ
  • բառարաններ-մառարաններ
  • ընդգծման հնարավորություն, ճիշտ կազմված գրքերը ունեն գլուխներով նավարկման հնարավորություն
  • տառերի մեծությունը կառավարելի է
  • ընթերցելիս ամեն մի գրքի համար պահում է այն տեղը ուր հասել ես
  • ունի էջանիշներ դնելու հնարավորություն

 

Սքրինշոթներ

ահա օրինակ գրքերի ցուցակը

Ամազոն Քինդլ գրքերի ցուցակ
Ամազոն Քինդլ գրքերի ցուցակ

Ահա աշխարհում հայատառ գրված ԱՄԵՆԱ-երկրորդ նախադասությունը 😉  , իմացողները թող չասեն, թե որտեղից է,  հիմա ամոթ է այս գիրքը կարդալը, հանկարծ խայտառակ կլնիմ :Ճ

Ամազոն Քինդլ - հայերեն տեքստ
Ամազոն Քինդլ – հայերեն տեքստ

Լավ անցնենք գրադարաններին ու կոնվերտացիաներին

Որտեղի՞ց ճարել ձրի գրքեր

Ամազոն-ից այստեղ միայն անկապ գրքեր կան անվճար, ոչ մի պիտանի ու հետաքրիր բան չգտա, համ էլ գրանցում է ուզում, ու եթե ձեր Քինդլը հատուկ պայմաններով է գնված(հատուկ առաջարկ, ավելի էժան, բայց գովազդով), խորհուրդ չեմ տա գրանցել սարքը ամազոնում, այն անմիջապես գովազդ է քաշում սարքի մեջ , կարդալիս ցույց չի տալիս, բայց դե, ինչի համա՞ր գովազդ լինի, այն ժամանակ երբ գրանցվելուց օգուտը նվազագույն է:
Եթե պատրաստվում եք գրքեր գնել ամազոնից, ապա լրիվ այլ խոսակցություն է, գրանցվեք:

Որոշ բաներ գտա ռուսական

http://lib.rus.ec/ -ում

եթե այլ գրադարաններ գիտեք, ասեք:

Քոնվերթ այլ ֆորմատներից MOBI

Լավագույն տարբերակը գտնելն է այն գիրքը որը ցանկանում եք կարդալ EPUB , txt, html, fb2 կամ այլ ֆորմատով ու քոնվերթ անել դարձնել MOBI

  • EPUB-ը քովերտ անել Քալիբրի ծրագրի ուգնությամբ
  • txt և մյուս ֆորմատները այս օնլայն ծառայության օգնությամբ
  • կայքերը քոնվերթ անելու համար օգտագործել Մոզիլա Ֆայրֆոքսի այս ընդլայնումը ՝ Push to Kindle: Բացի քոնվերթ անելուց ունի նաև այլ ֆունկցիաներ, բայց ինձ համար ամենակարևորը քոնվերթ արածը համակարգչի մեջ բեռնելու հնարավորությունն էր: Կա սրա անալոգը նաև Քրոմի համար:

Այլ օգտակար հղումներ էլԳրքերի վերաբերյալ կարող եք տեսնել իմ հղումադարանի այս բաժնում, այն անընդհատ համալրվելու է հետաքրքիր ու օգտակար հղումներով:

000_Ebook գրադարաններ և գործիքներ

Ու քանի որ ժամանակակից տանը մի ընթերցիչ ունենալը շատ քիչ է, հետագայում սպասեք այլ ընթերցիչները մասին փոստեր:

Քինդլ-Թաչ վաճառքում այլևս չկա, սակայն կան հետևյալ ընթերցիչները:

ՍկզբնԱղբյուր

Ամազոն Քինդլ Թաչ (Amazon Kindle Touch) – էլեկտրոնային գրքերի ընթերցիչ, 10.0 out of 10 based on 1 rating

Նշագրեր: , , , , , , ,

Բաժին: Էլ.գրքեր և ընթերցիչներ, Ժեշտ

Կիսվել , տարածել , պահպանել

VN:F [1.9.20_1166]
Rating: 10.0/10 (1 vote cast)

Մեկնաբանություններ (2)

Թրեքբեք հղում | Մեկնաբանությունների RSS ժապավեն

  1. Մարատ

    Գրադարան էիք՝ հարցնում (չնայած հին գրառում է, գիտեմ), ասեմ՝ հայերեն էլ գրքեր http://yavrumyan.blogspot.com/p/ebook.html

Մեկնաբանեք

Կհաստատվեն միայն մեսրոպատառ հայերենով գրած մեկնաբանությունները

242