Կանչում ենք C ֊ական ֆունկցիաներ Assembler ֊ի կոդից:

Բոլորը գիտեն, որ C/C++ ֊ի կոդից կարելի է կանչել ասսեմբլերական հրամաններ inline assembler ֊ի միջոցով։ Պարզվում է, որ հակառակ կանչը ոչ միայն հնարավոր է, այլ նաև օգտագործվում է օպերացիոն համակարգի սկզբնական բեռնիչից (bootloader) միջուկի (kernel) կոդի թողարկման համար (քանի որ որպես կանոն օպերացիոն համակարգի բեռնիչը գրված է assembler֊ով, իսկ միջուկը C֊ով)․ ասսեմբլերի կոդից կարելի է կանչել C֊ական ֆունկցիաներ։ Կոդը գրելուց առաջ, պետք է համոզվել, որ բոլոր անհարեշտ գործիքները առկա են մեր օպերացիոն համակարգում։

Ասսեմբլերի կոդից օբյեկտային ֆայլ (*.o) ստանալու համար ես օգտագործում են nasm ասսեմբլերը: Իմ օպերացիոն համակարգը ubuntu ֊ն է, իսկ դրա համար nasm ֊ը տեղադրվում է հետևյալ հրամանով․

sudo apt-get install nasm

Մեզ պետք է նաև gcc կոմպիլյատորը։ linux ֊ում այն լռությամբ տեղակայված չէ և տեղակայման համար պետք գրել հետևյալ հրամանը․

sudo apt-get install build-essential

ՈՒնենք երկու ֆայլ print.asm և main.c։
print.asm

extern c_main
 section .text
 global _start
 _start:
       call c_main       
       mov eax, 1
       xor ebx, ebx
       int 80h

main.c

 #include <stdio.h>
 
 int c_main()
 {
    char str[] = "print from C";
     printf("%s\n", str); 
     return 0;
 }

Կարծում եմ կոդերը չափազանց պարզև բոլորի համար հասկանալի են։ Թերևս միան պետք է նշել, որ  extern c_main հրամանով նշում ենք, որ կանչվող  c_main() ֆունկցիան հանդիսանում է արտաքին ֆունկցիա։

Նախ անհրաժեշտ է main.c և print.asm ելայետային կոդի ֆայլերից ստանալ համապատասխան օբյեկտային ֆայլերը՝ main.o և print.o: Թե ինչ է օբյեկտային ֆայլը կարող էք կարդալ այստեղից object file: Եթե կարճ, ապա օբյեկտային ֆայլը դա անմիջապես կոմպիլյատորի ելքն է։ Այն երկուական ֆայլ է, որը պարունակում է մեքենայական կոդ և կատարողական ֆայլից տարբերվում է միայն նրանով,  որ link ֊ի փուլը չի անցել (կոպիտ ասած ֆունկցիաների կանչերի հասցեները կապակցված չեն)։

print.asm ֊ից օբյեկտային ֆայլ ստանում ենք հետևյալ հրամանով․

nasm -g -f elf printf.asm -o printf.o

Այստեղ -g ֊ով պահում ենք debug֊ի համար անհրաժեշտ ինֆորմացիան, ֊o ով տալիս ենք օբյեկտային ֆայլի անունը, իսկ -f elf ով էլ ասում ենք, որ ուզում ենք ելքում ստանալ օբյեկտային ֆայլ։

main.c ֊ից օբյեկտային ֆայլ ստանում ենք հետևյալ հրամանով․

gcc -c -o main.o main.c -g

Այստեղ -g և ֊o նույն նշանակությունն ունեն ինչ հաջորդ հրամանում էր, իսկ -c ով նշում ենք, որ ելքում պետք է ստանալ միայն օբյեկտային ֆայլ։

Այժմ այս երկու օբյեկտային ֆայլերը միասին link ենք անում և ստանում ենք կատարողական ֆայլ։

ld -o print print.o main.o -lc -I/lib/ld-linux.so.2

Մեզ մնաց միայն աշխատացնել ստացված print կատարողական ֆայլը, ինչն էլ անում ենք հետևյալ հրամանով․

./print

Նշագրեր: assembler, C++, linking, nasm

Բաժին: Assembler, C և C++, Ժեշտ, Ծրագրավորում