Հրաշալի Ֆայրֆոքս մաս 2: Հավելումներ [web]դեվերի համար

Շարունակում եմ գովել իմ սիրելի ՀրԱղվեսը :Ճ Անցյալ հոդվածում գրել եմ թե ինչպես ընդլայնել որոնումը, այս անգամ մի քիչ ավելի սպեցիֆիկ թեմայի պիտի անդրադառնամ, այն է , թե ինչպես Ֆայրֆոքսը դարձնել ՎեբՎարպետի արհեստանոց

Նկարագրելու եմ Ֆայրֆոքսի մի  քանի հավելումներ , որոնք օգտակար կլինեն [web]դեվերին, վեբդիզայներներին, ինչպես նաև զարգացած ինտերնետ օգտագործողներին:

Սկսենք

Firebug

կարծում եմ որ Firebug-ը հին ուստեքին ներկայացնել պետք չի, բայց դե, սա ամենաառաջին և կարևոր , մասթհեվ հավելումն է:

Ֆայրբագը հնարավորություն է տալիս բռաուզեռի մեջ տեսնել էջի սորս-կոդը (html, css, javascript), ռեալ-թայմ անել փոփոխություններ, օրինակ փոփոխել css կանոնները ու միանգամից տեսնել փոփոխության արդյունքը, դիտել և փոխել html-ը, հսկել  javasript-ի աշխատանքը , դեբաք անել javascript-ը ու էլի շատ տարբեր հնարավորություններ ունի, որոնք գուցե նույնիսկ մի, կամ մի քանի հոդվածի նյութ են հանդիսանում:

https://addons.mozilla.org/ru/firefox/addon/firebug/

Web Developer Toolbar

Սա նույնպես դեվերի համար շատ օգտակար  գործիքների հավաքածու է:  Գործիքները շաատ-շատ են, սկսած կոդի վալիդացիայից, վերջացրած տարբեր չափի մոնիտորների վրա կայքի տեսքի ստուգումով (արձագանքող դիզայն ???), մի խոսքով այս հավելումը երկրորդ պարտադիր հավելումն է: FireBug-ից ոչ պակաս  կարևոր ու օգտակար:

https://addons.mozilla.org/en-US/firefox/addon/web-developer/

Page Speed

Ներկայումս կայքերի համար շատ կարևոր է արագագործությունը:  Google-ը ունի արագագործության հետ կապված իր առաջարկները, պատրաստվող կայքում այդ առաջարկների իրականացվածության չափը տեսնելու համար շատ օգտակար է Page Speed ընդլայնումը, որը ցույց է տալիս, թե կայքում ինչ միջոցառումների համակարգ է անհրաժեշտ իրականացնել արագագործությունը ավելացնելու ուղղությամբ:

https://developers.google.com/speed/pagespeed/

CSS usage

Եվս մի օգտակար հավելում, նորից կապված է արագագործության հետ: Այս հավելման մասին առանձին հոդված էլ եմ գրել, կարդացեք այստեղ

http://hy-it.org/1095/

Colorzila

Հավելում, որը հնարավորություն է տալիս, աշխատել գույների հետ, վերցնել բռաուզեռում տվյալ կետի գույնի կոդը , ինչպես նաև աշխատել գունային պալիտրայի հետ, ստեղծել css գրադիենտներ և այլն:

http://www.colorzilla.com/firefox/

 User Agent Switcher

Հաճախակի անհրաժեշտ է լինում տեսնել այլ օպերացիոն համակարգի կամ էլ այլ բռաուզեռի փոխազդեցությունը կայքի հետ, օրինակ դուք աշխատում եք լինուքսի տակ , բայց ցանկանում եք տեսնել թե ինչպես իրեն կպահի կայքը մակինտոշի վրայից աշխատող Safari-ի հետ փոխազդելիս, կամ որոնողական համակարգերի բոտերի հետ փոխազդելիս: Մի խոսքով ինչպես և անվանումն է, փոխում է user agent-ը:

https://addons.mozilla.org/ru/firefox/addon/user-agent-switcher/

Headers

Հիդերների հետ աշխատող երեք հավելում, տեսնել հիդերները, ուղարկել այլ հիդերներ և այլն: Սրանցից չգիտեմ թե որն է ավելի լավը, ամեն մեկն էլ ունի իր առավելությունները և թերությունները, այդ պատճառով երեքն էլ դնեմ:

Header Spy
https://addons.mozilla.org/en-us/firefox/addon/header-spy/

Modify Headers
https://addons.mozilla.org/en-US/firefox/addon/modify-headers/

Tamper Data
https://addons.mozilla.org/ru/firefox/addon/tamper-data/

JS Deobfuscator

Խառնակած (օբֆուսկացված) Javascript-ը բերում է ընթեռնելի տեսքի: Օգտակար է այլ կայքերի աշխատանքը և դրանցում իրականացված լուծումները ուսումնասիրելիս:

https://addons.mozilla.org/en-US/firefox/addon/javascript-deobfuscator/

Wappalyzer

Ցույց է տալիս հետազոտվող կայքում օգտագործված տեխնոլոգիաները, նույնպես օգտակար է այլ կայքերում տեղ գտած լուծումները հետազոտելիս:

https://addons.mozilla.org/ru/firefox/addon/wappalyzer/

Ավելացրեք

Իսկ դուք ի՞նչ հավելումներ եք օգտագործում

Նշագրեր: FireFox add-ons, Mozila FireFox, արագագործություն, գործիքներ, վեբ կայք, ֆայրֆոքս, ֆայրֆոքսի հավելում

Բաժին: Ծրագրեր, Վեբ