Denwer Տեղային վեբ սերվեր (տեղակայում)

Վեբ կայքի պատրաստման համար շատ հարմար է լինում օգտագործել լոկալ վեբ սերվերային համակարգը:

Դրանք բազմաթիվ են և բազմաֆունկցիոնալ, օրինակ WAMP, Winginx, Denwer,   XAMPP և այլն:

Այսօր մենք կուսումնասիրենք Denwer համակարգը: Այն իրենից ներկայացնում է Apache, PHP, MySQL, Perl, Sendmail-ի համատեղումը, որոնց միջոցով հնարավոր է դառնում վեբ կայքի աշխատանքի դիտումը:

Նախքան Denwer-ը տեղակայելը, նախ պետք է համողվել, որ 25,80,443  պորտերը զբաղված չեն այլ ծրագրի կողմից: Դրա համար հրամանների տողում (Start->Run) գրել cmd  և սեղմել Enter

կբացվի Windows-ի տերմինալը:  Մուտքագրել netstat -an հրամանը: Այն ցույց է տալիս բոլոր զբաղված պորտերը և այն IP հասցեները, որոնք կապված են այդ պորտերի հետ: Եթե նշված որևէ պորտ զբաղված է (25, 80, 443, 3306), ապա ավելի լավ է  անջատել դրանք օգտագործող ծրագրերը:

• 25 պորտը օգտագործվելու է Sendmail-ի համար, նամակներ ուղղարկելու, բայց ոչ ստանալու համար
• 80 և 443 պորտեր օգտագործում է Apache վեբ սերվերը համապատասխանաբար http  և https պրոտոկոլների համար
• 3306 պորտը օգտագործում է MySQL տվյալների բազան

Այցելելով www.denwer.ru կայք կարելի ներբեռնել Denwer հավաքածուն: Խորհուրդ կտամ բեռնել PHP 5.2-ով տարբերակը: Նույն կայքից կարելի է/անհրաժեշտ է  բեռնել նաև PHP5.2_ի համար նախատեսված ընդլայնումները:Գործարկենք ներբեռնած առաջին փաթեթը Denwer3_Base_PHP52

կսկսվի ֆայլի բացազատումը

որից հետո կբացվի Internet Explorer-ի այս էջը

փակեք այն և անցեք առաջ

հաջորդ քայլին անցնելու համար սեղմեք Enter

այստեղ անհրաժեշտ է մուտքարել այն ճանապարհը, որտեղ պահվելու են վեբ սերվերի և  վեբ կայքերի ֆայլերը: Լռելիությամբ այն պահվում է  C:\WebServers -ում (եթե չկա այդպիսի անունով թղթապանակ, այսուհետ` ֆոլդեր, ապա ստեղծվում է):

Հաջորդ քայլում Ձեզանից պահանջվում է մուտքագրել վիրտուալ սկավառակի համար նախատեսված տառը(լատիներեն)

լռելայն   դա Z տառն է, սակայն եթե Ձեր մոտ այն զբաղված է , կարող եք այլ ազատ տառ գրել :

Սեղմելով Enter կսկսվի պատճենման գործընթացը, սպասեք, մինչ այն ավարտվի

վերջին քայլում կառաջարկվի Denwer-ի թողարկման համար երկու տարբերակ

1. վիրտուալ սկավառակը ստեղծվում է Windows-ի թողարկման հետ միաժամանակ և կապ չի ունենում վեբ սերվերի վիճակի հետ
2. վիրտուալ սկավառակը ստեղծվում է վեբ սերվերի թողարկումից առաջ և անջատվում սերվերի անջատելուց հետո

Ընդհանրապես ընտրում են առաջին տարբերակը, քանի որ վիրտուալ սկավառակը այդ դեպքում միշտ հասանելի է լինում:

Այսքանով ավարտվում է Denwer համակարգի տեղակայումը:

Նշագրեր: Denwer, local web server, լոկալ վեբ սերվեր, տեղային վեբ սերվեր

Բաժին: Վեբ