site logo
  • Կայքի մասին
  • Ծրագրավորում
  • Ժեշտ
  • Անվտանգություն
  • Հարց ու Պատասխան (ՀուՊ)
Հոկտեմբեր 7, 2012  |  By Բայանդուր Պողոսյան In

Google+ Share կոճակ՝ սեփական ձեռքերով

google share
Սովորաբար նման բզբզել/փորել/մշակել ես անում եմ սեփական կայքերի/բլոգների համար, ու հազվադեպ եմ գրի առնում, թե ինչ եմ արել ու ինչի համար (բացի տեղում կոդի մեջ արված մեկնաբանություններից): Այս անգամ որոշեցի նորմալ փաստագրել ու գրանցել արդյունքն անմիջապես բզբզել/փորել/մշակել պրոցեսի ընթացքում, նշել նաև արված սխալներն ու հնարավոր թե՛ դրական, թե՛ բացասական արդյունքը:
Քչերին է հայտնի, որ Google+-ն ունի նաև Share կոճակ, չնայած այն հաճախ փոխարինում է իր +1 կոճակի նմանատիպ ֆունկցիոնալությամբ (նույնն անում է Facebook-ը՝ Like կոճակին անցնելով): Բայց այս գրառման մեջ փորձենք ինքնուրույն Share կոճակ պատրաստել Google+-ում ինֆորմացիայով կիսվելու համար, որը կկարողանանք օգտագործել մեր սեփական կայքերում:Իրականում վերջնական նպատակներիցս մեկը Diaspora*-ի համար Share կոճակ ստեղծելն է:Ինչպես կտեսնեք, իրականում ամեն ինչ շատ ավելի պարզ է, քան թվում է առաջին հայացքից: Գնացինք:
1. Շան գլուխը թաղված է YouTube-ում
Իրականում գործող Google+ Share ֆունկցիա գոյություն ունի թե՛ Blogger-ում (ավտոպոստն ամեն գրառումից հետո), թե՛ YouTube-ում: Բայց եթե Blogger-ինը էջում բացվող դինամիկ շերտ (Layer) է, ապա YouTube-ինն անկախ պատուհան է, որն առավել հարմար է բզբզել:
Աջում կարող եք տեսնել պատուհանը, որտեղ պարզ երևում է URL կառուցվածքը, որից էլ կարելի է օգտվել.
https://plus.google.com/share?url=http%3A%2F%2Fwww.youtube.com%2Fwatch%3Fv%3DhIwx7CXBdIE
(հղվում է https://www.youtube.com/watch?v=hIwx7CXBdIE էջին)
Ընդգծված մասը միակն է, որը մեզ պետք է, պարզապես պետք է ստեղծել նոր պատուհան (առանձնահատուկ կրեատիվների համար՝ DIV), որի հասցեն կլինի https://plus.google.com/share?url=ձեր_հղման_նորմալիզացված_տողը:
2. Ստանում ենք ներկա էջի հղումը (DOM/JavaScript)
Ներկա էջի հղումը տողի տեսքով կարելի է ստանալ document.location.href օբյեկտ/հատկությունից օգտվելով, բայց սա լավ է աշխատում միայն Gecko-ի վրա հիմնված բրոուզերների հետ: Համատեղելիության նկատառումով կօգտվենք window.location.href օբյեկտ/հատկությունից (ափսոս՝ որոշ նոր կայքեր պարունակությունը բացում են layer-ներում, ոչ թե պատուհաններում):
3. Ստանում ենք պատուհանի հասցեն (JavaScript)
escape (window.location.href)
Իսկ հիմա իրար կցենք տողերը (concat() ֆունկցիան).
var gplink=”https://plus.google.com/share?url=”;
var gpurl=escape(window.location.href);
var gpshare=gplink.concat(gpurl);

 

4. Կառուցում ենք պատուհանը
Share-ի պատուհանը բացելիս կօգտվենք window.open() մեթոդից: Մեթոդի պարամետրերի գրելաձևը հետևյալն է՝ window.open(URL,name,specs,replace): specs-ը որոշում է բացվող պատուհանի հատկանիշները, տեսնենք, թե ինչ է պետք մեզ անհրաժեշտ պատուհանը ստանալու համար.
width=600px, height=500px այն պահն է, որ ինչպես էլ հաշվարկես՝ վերջում սխալ ես դուրս գալու (տարբեր էկրաններ, ֆոնտեր և այլ հանգամանքներ):
location=yes կարևոր է, որ օգտագործողը միշտ, ցանկացած պարագայում տեսնի այն կայքի հղումը, որտեղ ներկայումս գտնվում է: Տեսականորեն՝ էթիկայի նկատառումներով, գործնականում՝ առնվազն phishing-ից ապահովագրվելու համար:
resizable=yes կարող եք no էլ դնել, որպեսզի պատուհանի չափսերը փոխել չստացվի, բայց երբեմն պատուհանը սխալ է արտապատկերվում, ու պարունակության մի մասն օգտագործողին հասանելի չի լինում: Անձամբ ես նախընտրում եմ հնարավորինս շատ իշխանություն տալ օգտագործողին, քանի դեռ դա իմ աշխատանքի ամբողջականությունն ու անվտանգությունը չի խախտում:
Մնացած կետերում պարզապես ազատվում ենք ավելորդ բաներից.
menubar=no
toolbar=no
scrollbars=no
status=no
Պատուհանը բացելու կոդը.
<em>function myGplusShare()</em>
 <em>{</em>
 <em>var gplink="https://plus.google.com/share?url=";
var gpurl=escape(window.location.href);
var gpshare=gplink.concat(gpurl);
window.open(gpshare, '', 'width=600px, height=500px, location=yes, resizable=yes, menubar=no, toolbar=no, scrollbars=no, status=no');</em><em>
}</em>
6. Կառուցում ենք կոճակը
Կոճակը կկառուցենք սովորական input-ի միջոցով: Վերջնական տեքստը կստանա հետևյալ տեսքը.

<em>&lt;script type="text/javascript"&gt;
function myGplusShare()
{
var gplink="https://plus.google.com/share?url=";
var gpurl=escape(window.location.href);
var gpshare=gplink.concat(gpurl);
 window.open(gpshare, '', 'width=600px, height=500px, location=yes, resizable=yes, menubar=no, toolbar=no, scrollbars=no, status=no');
 </em> <em>}
&lt;/script&gt;
&lt;input type="image" src="https://www.gstatic.com/images/icons/gplus-32.png" alt="Share" onclick="myGplusShare()" /&gt; </em>
Փորձարկում եմ.
Ինչպես տեսնում եք, ամեն ինչ հիանալի աշխատում է:) Շուտով կփորձեմ նույնն անել Diaspora*-ի վրա (եթե պլատֆորմը դա թույլ տա):Վայելեք:)
ՍկզբնԱղբյուր
Google+ Share կոճակ՝ սեփական ձեռքերով , 8.0 out of 10 based on 1 rating
Google html javascript կիսվելու կոճակ հտմլ շեյր կոճակ Վեբ
Previous StoryԶուգահեռ ծրագրաւորման մարտահրաուերները
Next StoryԻնչպես գտնել անհրաժեշտ պատուհանը Mozila-ում բացաված բազմաթիվ պատուհանների մեջ

Comments: no replies

Join in: leave your comment Cancel Reply

(will not be shared)

Որոնում

Նշագրեր

*Nix-եր (18) android (17) C++ (19) C և C++ (27) Excel (10) html (10) Network Administration (16) System Administration (28) Windows 7 (14) Ալգորիթմներ (15) Անվտանգություն (29) ԳՆՈՒ/Լինուքս (16) Թեյնիկներին (57) Ժեշտ (44) Լակոնիկ (21) Լինուքս/Յունիքս հրամաններ (29) Լուսանկարչություն և մշակում (15) Խելախոսներ (19) Ծրագրավորման լեզուներ (16) Ծրագրավորում (64) Ծրագրեր (48) Հայականացում (28) Հումոր (11) Ուսումնական նյութեր (34) Սոցցանցային Հմտություններ (19) Վեբ (25) Վերլուծություն (10) Վորդպրես (21) ՏՏ և փիլիսոփայություն (21) Տվյալների բազաներ (12) Օպերացիոն համակարգեր (27) Օֆիսային ծրագրեր (22) անդրոիդ (16) բաշ (10) ինտերնետ (11) խելախոսներ (13) համացանց (15) հայատառ (10) հայերեն (11) հայերեն ստեղնաշար (11) հայկական սոֆթ (11) ստեղնաշար (10) սքրիփթ (14) վինդոուս (12) տեսանյութ (23)
Copyright ©2017 ThemeFuse. All Rights Reserved